转自：铁骑网志，兄弟们都看看吧，希望大家都安全行车

爱车胜过爱媳妇

心得分享 - 道路上預防突發事件

『道路上預防突發事件心得分享』希望大家出文分享一下

不論渣26或46都有一定危險,最近新聞連續發生車禍,實在令人不安
其實好多時除左學車會教你安全知識,實況會出現你意想不到既突發事件,你又預過幾多?
希望大家可以po出來分享一下心得,好讓新手老手多個警覺,減低意外發生既機會.
以列點型式出文

其實本人渣開46,最近渣26.危險性覺得係相地比較多左

1:停車前一定要望鏡,預防由其大車跟尾隨時會收制不及或其他車輪制動出了問題.

2:千萬不好突然急停,即使行緊40比人推一下,後果嚴重

3:山路急彎不要開快,預防動物行人突發衝出馬路,收掣不及

4:沒死火燈的建議安裝死火燈,能給預後方更快有需要停車的意識

5:經常留意車o太的損耗情況,26爆o太可大可小

6:被推時千萬不要快車,可選擇打死火燈示意讓人過,不要鬥氣按brake等挑釁行為,人家覺得慢或無癮自然會過你.安全第一

7:過線前緊記要回頭望,頭向前望2-4點方向有盲點,這範圍足夠隱藏一架私家車.(新牌要特別注意)

8:即使行大路,若左右有小路出的讓車或停處,盡量收慢,預防盲毛突發衝出

9:快車時不要跟大車太貼,要有足夠視野望前方事物,讓自己早一步有反應

10:生病時不要駕駛,因受藥物等影響,會降底人的即時反應能力

其他兄弟後補溫馨指引:
by 狐B :
迴旋處出同入要多加注意 不可急 一步步黎 點都要讓死都要讓唔好搏 最好當其他車全部都係學神

by 亞占 :
11) 盡早打燈, 多d時間打燈, 閃燈係有助後面既車睇得你更清楚, 尤其係就黎訓著既盲毛

12) 燈位停車後, 如果發現自己係最後一架而身後係大直路或斜路, 甘危險性好高, 最好旁邊有位就攝去頭, 攝一兩架都好.

13) 行車時都要頻密望鏡, 我搾46望前望後次數係3比1, 搾26就1比1.

14) 停車後, 要同前車有個距離, 望鏡, 一見後面架車湧上黎唔多想停你都有位走上前避佢.

15) 行車時望埋隔離線, 見有架快車隊住架慢車, 你就要小心佢隨時唔耐煩就甘cut出而撞到你.

16) 若有一定車速過燈, 但突轉黃, 要望後睇有冇車已經跟貼, 後面架車可能預你衝黃燈, 佢又要衝黃燈, 所以會更快, 你停既話就大劑.

17) 要轉入小路而尾隨有車, 要估計你轉時佢會吾會撞到你, 最好在之前打定燈, 亦微減速, 等對方有警覺知你將會轉彎.

18) 小路d車等轉出大路, 好多時見大路架車過o左就駛出黎, 唔知原來有架26緊跟其尾, 所以唔好跟前太貼, 甘樣其他車會睇你唔到.

19) 兩條車龍中間攝車時唔好以為一定冇車, 要留意其他26從第二條線攝出.

by 余家貧 :
跟車不要只望實前車車尾,要望前車既前車,
因為我發覺前面架車自己下意識會留意,集中力盡量擺前1-2架車,
特別係跟得貼時更加要留意前車既前車,因為前車既動作係極大機會受佢既前車影響,
有咩變化都可以比前車作出更快既反應...
如果前車係大車/巴士阻擋視線就一定唔好跟貼或者CUT過隔離線!!

by allen's :
20) 回旋處出車時記得望前後及左右，係外線時有d車會轉你既出口可能會比佢地撞到 又話者轉出時，後面間車直出唔睇你(經常有)所以要特別小心

21) 不要超速，如果後面跟得太近就讓路

22) 如無必要請勿攝車 快又唔係快太多

by madjerr :
23) 有好多司機都唔識用迴旋處,so, 見到路口閃一閃燈警告一下,另外, 一般司機只係識行外線, 明明三点位出, 但一直行外線
好多時唔理內線D車佢有佢行,所以cut出去時要小心, 早D打燈!

by Sedna :
24) 請預所有人cut線都"唔會打燈", 見過太多人cut線唔打燈了, 靠其他人用指揮燈提示你佢會cut線簡直天真.

25) 如果要抽頭過人請盡最短時間內完成, 特別過大車, 同其他車平排行既時間越長越危險,佢無啦啦cut線又死, 黑起上黎d大車無啦啦爆條巨胎飛埋26度又係26死.

26) 市區,屋村及多死車地方請有咁慢得咁慢, 慢到你有信心隨時可以即煞停架車為止,真係隨時有盲毛係死車中間行出黎

27) zip車果陣都係, 你有信心隨時可以即煞停架車先好zip,試過zip車見前面有架46開門(燈位開門), 如果啱啱行過真係唔得佢死.

28) 雙騎請所有事預留更多時間及減慢速度, 試過有隻街坊彎乘客唔知我要減慢轉彎,我慢慢收佢都成個人壓左落我度, 搞到爭d入唔到個路口.

by Money :
29) 我覺得地下渠蓋及附近隙位都好危險，特別係喺轉灣時

by nn_ :
30) 分叉路盡量唔好同車平排,由期係假日,好多盲毛發現行錯會一野扭埋黎

by 暈又暈 :
31) 以安全/避免意外發生既前提下, 唔好吝嗇你個beep

by bomb827 :
32) 盡量遠離大車,包括巴士,拖頭,密斗,大小貨車,泥頭車,混凝土車,佢地盲點又多,制動又麻麻,高速行過又有氣流,若果要跟都有那麼遠離那麼遠,遇到突發情況都幾難走,好似今朝返工比架混凝土車冇打燈情況下cut埋黎,如果o五係後面有位都避o五到佢,有可能變左...

by 77 :
33) 唔好黑天黑地黑烏鴉!!啞黑車身!黑色衫!啞黑頭盔!睇到你至奇~人地點睇到你?

by 味掂 :
34) 攝車由其慢線好多時會上落客.攝車都要睇情況如果強行找來辛苦也未必快得好多high花車冇為啦

35) 晚上小心 d 超強車頭燈影響駕駛

36) highway 好多人都會凸然過線唔會打燈..所以要預計之內

p.s.
我講到呢度,希望大家盡量出po
路上零意外  二碌人人愛

风吹裤裆凉

虽说有好多字没看明白把...  但是学习了  有点用

阿弥陀佛

:victory:

爱车胜过爱媳妇

:victory:

激车道

:victory:

非誠勿擾

顶 太好了 大家都注意 哈哈

℡soulmate.

ding顶。。。。。。。。。。。。。。。。。。

爱车胜过爱媳妇

新年好啊~~~

307516930

台湾内边的 刹车灯叫死火燈啊

爱车胜过爱媳妇

双闪吧？
等正解~