- 积分
- 3875
- 经验
- 点
- 威望
- 点
- 金钱
- ¥
- 魅力
- 点
- 帖子
- 精华
- 注册时间
- 2010-6-1
- 最后登录
- 1970-1-1
|
| | 相信意大利Cagiva車廠最近一定做到上氣不接下氣。因為Raptor系列的訂單由世界各地如雪片般飛來,即使強如本田車廠都會做唔切交唔足車,何況Cagiva?意國的生產效率當然不能和日本相比,踢晒腳是應該的。在緊張的供應下,全亞洲第一個率先引入到Raptor 650是誰?答案是香港的亞林電單車行。能夠比起日本更快拿到車到手,車行背後所付出的心血可見一斑。 Raptor系列有兩款排氣量1000cc和650cc,由「較保守的」Raptor和較激進的V Raptor所組成。極受歡迎的原因很簡單:買得起 MV Agusta 750 F4S的人實在太少,退而求其次,Ducati Monster 也絕不便宜。要車價又便宜又要有歐陸品味,Raptor到目前為止是世上最後的選擇。
大哥1000cc和細佬650cc相比較,肯定是細佬更加受歡迎。除了較易操控外,價錢設定也十分大眾化。只售HK$ 60,000.的Raptor 650,話晒都係歐陸品味,馬力扭力亦都遠勝400級別,行出街見人,「層次」都唔同。
| | | 車款簡介
Raptor系列的動力心臟是採用日本Suzuki的引擎,省卻了昂貴的開發費用,所以能把售價抑壓。Raptor 1000採用TL1000引擎,650則把SV650的水冷90度V2 DOHC 8V引擎照搬過來,連化油器都一樣,沒有作任何改動。唯一不同是採用更大的風盒,最高馬力是71ps/8,500rpm,最大扭力是 6.3kg-m/7,500rpm。套在180kg車重上,相當夠用。 | | Raptor 650的開發意念是以提升騎車樂趣為主。強調休閒玩樂的機車用途,所以調低了波箱比來誇張扭力的傳遞。另一項和Suzuki SV650不同之處,是改用了二出二的排氣管設計,增加美感。 | | | | | | 左右掣盒佈局絕對熟口熟面,冇死火燈差D。速度計採用跳字式顯示,附AB里程計,轉數錶幾搞鬼,但個人仍喜愛傳統的圓型多一點。嘩,唔應該出現係街車身上的迫力油壺呀!究竟套迫力系統係乜品牌呢? | | | | | | 新油缸因為內藏加大了的風盒,容量提升了一公升至19公升。油缸採用塑膠製造,好處係輕、硬、防銹。據說即使拿個大鎚大力扑下,只會把你的手強力反彈開去,連個鎚都未必握得穩。膠油缸仍然絲毫無損。以後唔使擔心個油缸會凹,又要搵錢噴油。頭燈設計採用後投式多角度反射,光度超強。 | | | | | | | | | | | | | | 噴沙處理的高拉力鋼管車架基本上和Raptor 1000一樣,但在轉向鵝頸位由20mm改用了25mm更粗的設定。側管設定也有些微的改動。 | 後腳踏照顧到腳掌內側及腳跟,承托面積比一般腳踏大好多 | | | | | 座位裝拆未算方便,可能座下根本沒有空間儲物(有隨車工具包),不預算閣下經常裝拆。此外車尾副車架沒有外露,如堅持要加裝尾箱,要搵專家唸唸計仔至得。( 唔係話?你真係唸住裝尾箱?俾Cagiva知道,可能會嘔血)。 | | | 原庄Raptor 650已經好型,起碼比起SV650高出一截。但原來重有平平地的方法令佢再上一層。亞林車行特意準備定意大利的G&G排氣管,是歐洲行內出名的OEM排氣管製造商,好多品牌都係搵佢做o野,品質可靠。我拿過上手,個支直出slip-on碳纖尾截好輕,裝上去更加惡形惡相。你睇換o左喉高度差幾遠(指揮燈要改裝)?加上引擎打鼓咁o既聲亦會隨之被釋放出來,V2感受,馬上變得有聲有色!(一對連slip-on中批連碳纖silencer約HK$4,000.) | | | | | | | | | | | |
| | Raptor 650和大哥Raptor 1000一樣,前後掣動系統都是選用Brembo掣動卡鉗及剎車碟,附掣動鋼喉。43mm的Marzochi倒立前叉雖不設調較,但內裡的彈簧硬度系數和fork油閥門都經過改良,提升高速時的操控享受。 | | | | | | Sachs單筒連桿式尾避震設有絞牙預載及座高調整,整套避震機在組件設計上充份考慮到車主日後可能會拿支避震去重新re-valve作個人化調較,結構上比一般避震筒更容許分解再還原。 | | | Gary試駕感受 我認為Raptor 650最大的好處是容易上手。座高適中,闊把手容易發力。加上不需運用高轉數,係咁轉波都棍棍有力,都算係易用得來又幾好玩咁樣...最正係前後避震,剛中帶柔,感覺幾踏實。
壞處是窄路掉頭未有想像中靈活,唔熟車時最好落腳傍一傍穩會陣D。
| | David試駕感受 完全同意Gary的論點。我認為Raptor 650甚至幾適合一些有經驗的女騎士使用。
起步力量充沛,千餘轉順放極力子己經好肯行。油門操控幾敏感,輕壓油門,陣陣扭力成日湧湧係度貢,多謝Cagiva調低了齒輪比,誇張了低扭的力量,記得SV 650 沒有如此感受。
前迫力手感幾好,硬硬地唔使點用力便可收慢部車。個人覺得坐姿比想像中前傾,全賴低而闊的把手,會將人對奉公守法的耐性很快便消耗掉。
| | | 彎性良好是意料中事。Raptor 650 沒有使用過份闊的尾胎,加上V2的典型低扭輸出,過彎時尾輪咬住地向外推的傾向幾明顯。腳踏位置比街車稍高和後移,仍不失空間感。對了,差點忘記形容一下它的排氣聲。唔算太靜,但距離V2攝人的氣勢重有一大段距離。換唔換喉自己唸。 | | | 總結: Suzuki SV650賣HK$56,700,S款賣HK$58,900。Honda CB400SF Hyper-VTEC賣HK$63,300(最新售價59,800),Hornet 600賣64,700(最新售價62,200)。Raptor 650賣HK$60,000,重有全套Brembo迫力卡鉗及剎車碟(重有鋼喉)。兼夾有43mm倒立前叉,二出二死氣喉,我真係點唸都唸唔到「亞林」如何可以度到呢個超低價錢開售。
買唔買,你自己唸唸。(重要唸?)
| |
返回上頁...
| Cagiva Raptor 650規格表 | 引擎: | | 缸徑/衝程: | 81 x 62.6mm | 排氣量: | 645cc | 壓縮比: | 11.5:1 | 供油: | Mikuni BDSR39 化油器 x 2 | 最大馬力: | 71ps/8,500rpm | 最大扭力: | 6.3kg-m/7,500rpm | 點火: | 數碼點火 | 起動: | 電撻 | 傳動: | 6前速濕式多片鏈傳動 | 車架: | 高拉力鋼圓管 | 頭避震: | 43mm Marzocchi 倒立前叉 | 尾避震: | Sachs單筒油壓避震,附絞牙預載調較 | 前掣動: | Brembo四活塞掣動卡鉗配298mm雙碟 | 後掣動: | Brembo單活塞掣動卡鉗配220mm單碟 | 前胎: | 120/70 - 17 | 後胎: | 160/60 - 17 | 前傾角: | 25.2° | 拖曳距: | 110mm | 長闊高: | -- | 軸距: | 1440mm | 座高: | 775mm | 油缸容量: | 19公升 | 乾重: | 180kg | 售價: | HK$ 60,000. (可代辦分期) | 香港代理: | 亞林電單車行 2385 9229 |
|
| 转自《铁骑网志》 |
|